PROPOSTAS DE TRABALLO

2007-06-24T06:14:00.001Z

POR VACACIONES ( IUUUHHHHHUUUUUUUUUUUUUUUUUUUU)
SUSPENDEMOS TEMPORALMENTE ESTA PÁGINA.

Proposta de temas para preparar 3ª avaliación

2007-06-10T11:33:00.000Z

Este feixe de actividades agardo que vos axude a pensar na asignatura que estudiades no libro e nos apuntes. Unha vez feito ese traballo estas actividades poden ser unha boa alternativa para afianzar coñecementos. Pero tamén pode ser unha boa maneira de comezar a estudiar.
1.Primeiro un feixe de temas de composición dos capitulos que entran no examen
(moitos deles poden transformarse en temas con textos)- Os tratados de Paz trala I Guerra Mundial e a Sociedade de Nacións
- A formación dos bloques combatentes na I Guerra Mundial
- Causas coiunturais-estructuras da Revolución Rusa
- Bolcheviques e mencheviques e seu papel na revlución rusa entre febreiro e outubro de 1917.
- A revolución rusa de febreiro a outubro de 1917
- A influencia da guerra na revolución rusa : 1905-1923
- A evolución da economía soviética: 1917-1939
- A economía nos anos ’20: a apariencia de prosperidade
- A agricultura norteamericana entre 1918 e 1939
- A crise da Bolsa de Nova Iorque: causas e consecuencias
- A extensión da crise bolsística á economía norteamericana e ó mundo capitalista
- Características económicas e sociais da Depresión dos anos ‘30
- Modelos económicos para sair da crise nos anos ’30.
- A crise do sistema democrático na época de entreguerras
- Modelos autoritarios de goberno no periodo de entreguerras
- Rasgos das ideoloxías fascistas.

2.En segundo lugar un feixe de “define-contextualiza-valora” .- 14 puntos de Wilson……………………………………I Guerra Mundial
- Economía de guerra…………………………………….I Guerra Mundial
- Responsabilidade alemana na guerra………………….. Tratado Versalles
- Teses de abril………………………………………….. Revolución Rusa
- Dualidade de poderes…………………………………. Revolución Rusa
- I Guerra Mundial……………………………………… Revolución Rusa
- Comunismo de Guerra………………………………… Revolución Rusa
- NEP…………………………………………………… Revolución Rusa
- New Deal……………………………………………… Gran Depresión
- Promoción industria armamentista……………………. Gran Depresión
- Superproducción ……………………………………… Happy Twenties
- Especulación bursatil…………………………………. Happy Twenties
- Consumo de masas…………………………………… Happy Twenties
- Proteccionismo………………………………………... Gran Depresión
- Totalitarismo………………………………………….. Crise da democracia

Terceira entrega preparatoria do test do venres

2007-05-30T11:45:00.000Z

1. Un dos puntos débiles do sistema financieiro internacional tra-la IªGuerra Mundial era que…
a. Moitos paises dependían das indemnizacións alemans para devolve-los préstamos contraidos durante a guerra
b. A Bolsa de Nova Iorque non puido frea-la oleada de venda de accións, causando así a crise no resto dos bancos
c. Europa produco un exceso de producción bélica que ó remate da guerra provocou superproducción industrial

2. A especulación na Bolsa de Nova Iorque facíase co capital que viña...
a.- Da recuperación industrial que se deu ó remate da guerra pola recuperación do consumo aplazado.
b.- Da política de restricción monetaria á que xogaba a Reserva Federal impoñendo altos tipos de interés.
c.- Do exterior en forma de capitais flotantes e do interior pola política de créditos baratos adoptada polos Bancos.

3. O "crack" bursatil de Nova Iorque en outubro de 1929 estala...
a.- Porque na ola especulativa que vive a Bolsa ninguén quere vender ante as espectativas de ganacia fácil e rápida que existen.
b.- Pola política do sistema bancario norteamericano de impoñer un diñeiro caro que evitara tendencias inflacionistas
c.- Pola imposibilidade de frear unha tendencia á venda de valores que algúns empezaron a considerar perigosos por canto o seu prezo á alza non gardaba relación coa marcha real da economía das empresas.

4. Tra-la crise bolsística a depresión económica exténdese ó resto do aparato productivo norteamericano, en primeiro lugar...
a.- As industrias, incapaces de que ninguén lles compre accións para seguir investindo na actividade productiva.
b.- O sector da agricultura de exportación afectado pola superproducción.
c.- O sector bancario que aportara os cartos para unha especulación bursatil que agora amosaba a súa debilidade.

5. Boa parte da responsabilidade da crise da Bolsa de Nova Iorque...
a.- Foi do Estado norteamericano por non estimular industrias de obras públicas que solucionaran o problema do paro.
b.- Foi do sector financieiro norteamericano que prestou para mercar valores de bolsa sen atender ós beneficios reais que xeraban tales inversións.
c. Foi pola irresponsabilidade dos consumidores que mercaban bens de consumo cos cartos que se obtiñan fácilmente do sector bancario norteamericano.

1a
2c
3c
4c
5b

2ª entrega para practicas o test do venres.

2007-05-29T14:39:00.000Z

ECONOMÍA DE ENTREGUERRAS. A crise e seus sinais anunciadores
Respostas ó final do test.

1.Os planes Dawes e Young son iniciativas que…
a. Tentan buscar solucións á depresión dos anos ’30 provocada pola crise da Bolsa de Nova Iorque.
b. Tentan facilitar a Alemania o pago das indemnizacións no contexto do crecemento económico que se vive na segunda metade dos anos ‘20
c. Mellora-la capacidade de compra do mercado norteamericano afectado pola ideoloxía WASP.

2. A apariencia de prosperidade que se vivíu en EEUU nis anos ’20 estaba ameazada…
a. Pola crise agraria que se vivía no campo e a reducción da producción industrial que non podía adaptarse ás exixencias do consumo de masas.
b. Por unha Bolsa de Nova Iorque onde o crecemento das acccións non se xustificaba por un incremento parello da producción industrial.
c. Por unha situación de superproducción e o desvío de capitais dende a producción á especulación na Bolsa de Nova Iorque.

3. O incremento do consumo en EEUU ata chegar ó chamado “consumo de masas” é o resultado…
a. Do desvío de cartos dende a Bolsa de Nova Iorque ata as empresas europeas adicadas á reconstrucción trala Guerra Mundial.
b. Da xeralización de procesos productivos como o taylorismo e a crecente concentración empresarial que permitía producir máis.
c. Das melloras na producción que permitiron baixa-los prezos , unidas ó emprego da publicidade e á posibilidade de mercar os productos a prazos.

4. As dificultades económicas derivadas das crises de 1920-21 e 1929 tradúcense en termos políticos no continente europeo…
a. Na aparición de grupos e ideoloxías puritanas e conservadoras como son a ideoloxía WASP ou o Ku Kus Klan
b. No fortalecemento de alternativas non democráticas que derivaron no fascismo italiano(1922-23) e o nazismo alemán (1933)
c. Nunha crise económica que empeza nos bancos, dependentes dos préstamos estadounidenses, e trasládase logo ó resto dos sectores productivos.

5. A clave da debilidade real da Bolsa de Nova Iorque nos anos 1928-1929 radica en que...
a. O incremento do valor en Bolsa das accións non se corresponde co incremento dos beneficios reais que producen as empresas.
b. Baseaba a súa fortaleza nos prestamos que viñan de Europa, e cando deixaron de chegar as cotizacións da Bolsa caeron arrastrando a toda a economía.
c. Non era posible que as accións seguiran subindo cando o capital norteamericano prefería a inversión nos sectores da industria do ocio.

Respostas cooooorrectas
1b
2c
3c
4b
5a

ADIANTO DO TEST DO VENRES.

2007-05-28T15:08:00.000Z

Estas preguntas poden servir para que practiquedes o test do venres sobre a economía de entreguerras.

Atoparedes as respostas ó final das preguntas.

1. Unha das consecuencias económicas máis notables da Iª Guerra Mundial foi…
a. Que Xapón, EEUU e Europa ceden a hexemonía económica mundial e Iberoamérica e os vellos dominios británicos ( Canadá e Australia)
b. Que EEUU deixa de ser a principal potencia económica e ten que compartir o dominio coa Europa reconstruida trala guerra.
c. Que Europa deixa de ser a zona hexemónica da economía mundial en beneficio, sobre todo, de EEUU.

2. O modelo de economía de guerra que Europa tivo que adoptar durante a Iª Guerra Mundial…

a. Estimulou a producción en novos paises e propiciou o endebedamento da propia Europa, principalmente respecto a EEUU
b. Provocou a superproducción de bens militares que ó remate da guerra provocaron situacións de subconsumo e crise.
c. Facilitou unha reestructuración das relacións económicas mundiais ó estimula-la especulación en Bolsa e romper o monopolio de EEUU.

3. Nos momentos iniciais da post-Iªguerra mundial a economía vive un certo momento de auxe e crecemento que vén derivado...
a. Da política dos gobernos que pasaron a guerra sen á penas emitir moeda para evitar a inflación e agora podían emitila.
b. Da chegada de capitais alemanes en forma de indemnizacións que permite o estímulo ó consumo privado dos europeos.
c. Do estímulo á producción que supón a recuperación da estabilidade da paz e por tanto de recuperación do consumo que se pospuxera durante a guerra.

4. O espectacular aumento da producción que podemos ver en moitas industrias na segunda metade da década dos '20 hai que explicala como resultado de...
a. Que moitas industrias estaban a inverti-los capitais que se gañaban na Bolsa en mellora-las técnicas de producción e organización industrial(taylorismo, traballo en cadea...)
b. Un aumento parello da capacidade de consumo da poboación en xeral estimulada ó consumismo polo ambente de euforia e as facilidades para obter cartos baratos, ou mesmo pospoñe-lo pago do que se mercaba.
c. Que ó remate da Guerra Mundial engádese á producción dos paises que abasteceron durante a mesma de productos industriais, a producción recuperada dos que loitaron na Guerra.

5. Na evolución económica logo da Iª Guerra Mundial podemos distinguir…
a. Unha pequena recuperación polo consumo aprazado durante a Guerra seguida da crise de 1920-21. Logo unha recuperación, especialmente acusada na segunda metade da década, para rematar coa depresión nos anos 30.
b. Unha crise entre os anos 20-21, seguida da recuperación polo consumo aprazado e a prosperidade dos anos 20, rematando coa depresión dos anos 30.
c. A prosperidade da primeira metade dos anos 20 que desemboca, primeiro na crise do consumo aprazado pola guerra e remata na crise final na década do anos 30.

Respostas:

UNHA PROPOSTA DE TRABALLO SOBRE A CRISE DO 29

2007-05-27T06:32:00.000Z

Simplemente ollade este youtube http://www.youtube.com/watch?v=SGMHAhSWMS4
e facede un resume das ideas e argumentos que desenvolve. A dificultade principal que atoparedes é que está en pitinglish. Pero o rapaz fala bastante clariño.

Se andades amuermados/as podedes ver este outro tamén sobre a crise.

Para facer unha "máquina de votar" unha especie de pequeno titorial en pogüerpoint

2007-05-17T04:53:00.000Z

A ver se vos axuda para o que me pedistes no taboleiro. Se non queredes adicar moito tempo á elaboración disto hai dúas posibilidades:ou ben agardades ata o venres e o facemos nun recreo no Insti, ou ben me mandades vos a pregunta e as posibles respostas e o elaboro eu e o colgo. Como vexades.
( para ve-la presentación máis grande e mellor pulsade abaixo "on slideshare" e logo no que vos abra en "full" ) ¡Animo o resultado é molón! (se queredes ver como queda, fixen un par de experimentos no http://bauldesoci.blogspot.com/ alí veredes)

nova adiviñanza

2007-05-16T19:26:00.000Z

Aquí vos deixamos non unha cuboadiviñanza xD senón unha serie de imáxes que vos levarán a resposta: o nome dun home que actuará no periodo de entre guerras que estamos estudando.

Creemos que é bastante sencilla, ánimo.
Por certo, se pulsades en cada imáxe a veredes ampliada e se leerá mellor a pista ;)

Un saúdo. Ángela, Lucía y Diego.

Get Your Own!

TRABALLO VOLUNTARIO!!!!!!!!!!!

2007-05-15T20:18:00.000Z

Hola asiduos/as ao blog de historia contemporanea que nestes momentos estamos a xestionar Diego,ánxela e Lucía. Ocurriusenos un traballo na linea un pouco, do que o profesor xa nos suxerira noutras ocasións. A cousa según el saíu bastante ben, e como é unha forma de aprender e ao mesmo tempo crear arte propoñemos que fagades un "empatía". A idea é que vos poñades na pel do soberano Tsarista,dun soldado por exemplo, ou mesmo dun menxevique.se se vos ocurre outro persoaxe mais interesante ligado co tema que estivemos vendo tamén será benvido!
Unha proposta orixinal que se nos ocurre é a óptica que tería Marx se levantara cabeza dos bolxeviques por exemplo.
ademais, xa sabedes que si o entregades, o profesor seguramente subirá unhas decimiñas que nesta 3ª avaliación non veñen nada mal, verdade?

Hexa-adivinanza!!!

2007-05-08T18:39:00.000Z

Bueno, creo que al fin lo he conseguido, y he creado un hexágono mazo chulo, con 5 imágenes (¿?, pero es hexágono, y es que una se repite; xD)acerca de un personaje interesante que tuvo mucho que ver en la Revolución Rusa.

P.D. xfis que lo haga alguien, que me ha llevado mucho tiempo hacerlo...

Cool Slideshows

María y Cris

1º de Mayo. ¿Unha festa do traballo?

2007-05-01T14:50:00.000Z

Atoparedes en calquera buscador montóns de referencias a esta festa aquí tedes algúns:
1. http://es.wikipedia.org/wiki/D%C3%ADa_Internacional_de_los_Trabajadores

2. http://www.caracol.com.co/noticias/420036.asp

3. http://www.abc.com.py/articulos.php?pid=326887&ABCDIGITAL=5f5f0ecd4dfbffcf51e24d09e922a35d

4. http://revcom.us/a/may1/haymark-s.htm
O traballo podería estar ben facel en forma de powerpoint ou similar dado que é doado atopar texto e imaxes do tema.
¡ánimo!

Enlaces youtubianos

2007-04-27T04:48:00.000Z

Presentovos dous enlaces a youtube nos que a través da peli do Dr. Zhivago poderedes visualizar a relación entre a Guerra Mundial como detonante-catalizador e o estalido da revolución rusa. Un comentario das dúas frases ó fío da imaxes pode ser un bo traballo. ( sinto non ter encontrado versións en español. Agardo que o voso nivel de "pitinglish" e un chisco de intuición vos permita ver do que se trata)

Pica nas frases seguintes para dirixirte ós cortes da peli en Youtube.

"When the boots wore out they´d be ready to listen"

"At last, they did what all the armies dreamed of doing..."

Un traballo sobre a Revolución Rusa.

2007-04-25T15:19:00.000Z

Georges Orwell escribiu unha obra "Animal Farm" na que critica o desenvolvemento a revolución rusa. Presentovos unha especie de trailer. Realmente creo que é unha canción á que lle puxeron as imaxes da versión en debuxos animados da obra de Orwell. En calquera caso paga a pena miralo. Se a alguén isto lle chama a atención podemos pensar en traballar algo sobre isto.

Un enlace interesante de mapas conceptuais.

2007-04-21T08:07:00.000Z

Neste caso un sobre a Iª Guerra Mundial que serve para traballar o tema das relacións internacionais. Traballar sobre isto facendo un tema de composición que "redacte" o cadro podería estar ben.
( Pero no blog do que o tomamos hai moiiiitos máis e moi ben feitos)

ACTUAR COMO ADMINISTRADORES DO NOSO BLOG. UN TRABALLO VOLUNTARIO QUE VOS PODE INTERESAR

2007-03-27T18:10:00.000Z

PROTOCOLO PARA A ADMINISTRACIÓN DO BLOG “CADERNODHISTORIACONTEMPORANEA. BLOGSPOT.COM”

1. ¿Cómo ADMINISTRAR?
A administración do blog realizarase por grupos ata 3-4 persoas que voluntariamente decidan abordar esta tarefa.
O tempo en que estarán a cargo desta administración é (inicialmente) dunha semana, de mércores a mércores.
Cada grupo recibirá as claves para poder acceder ó blog como administrador pero é importante que tódalas entradas sexan firmadas ó final do texto da mesma.
As entradas deben redactarse correctamente pero se admite o uso de sinais propios da linguaxe dos móbiles (a ser posible con explicación dos mesmos, para axudar ós carrozas que lemos isto) . No caso de usar a linguaxe deste medio citado, compre que sexa dun xeito xustificado.
O corpo das entradas non debe ser moi longo, é recomendable que inclúa cuestións, preguntas, enigmas que animen á participación dos lectores/as. Igualmente é recomendable a inclusión de imaxes.
O traballo de administración do blog é un traballo voluntario que será avaliado ata cun punto “a maiores” no conxunto da avaliación.
Durante o tempo de administración pedirase un mínimo dunha entrada por cada unha das seccións do blog, aínda que se valorará que sexan incluidas máis.
A administración inclúe a atención ó blog durante a semana, respostar as participacións (incluindo as incluidas no “taboleiro de anuncios”). Será especialmente valorado o grupo que sexa capaz de provocar unha maior e máis interesante participación dos seus compañeiros

2. ¿Qué ADMINISTRAMOS?
Evidentemente, o blog da nosa asignatura. Pero descompoñamo-lo traballo por seccións , deixando claro que todo isto son meras orientacións, o ideal sería que cada grupo imprimira o seu selo durante o seu periodo de administración (sen perder a idea principal de cada sección nin a xeral de que estamos diante dun blog de aula)
 Páxina principal (cadernodhistoriacontemporánea.blogspot.com)
. Débense incluir nela noticias xerais
. Avisos de entradas noutras seccións cos vínculos correspondentes.
Outras entradas que non teñen cabida en ninguna sección pero que queremos incluir.
 O Taboleiro de anuncios. Ista é a sección máis libre de todas onde se colgan textos do que vos pareza, dende actualidade a comentarios, noticias, mensaxes…
 Na sección “propostas de traballo” ¿Qué imos incluir?
. Podedes recoller temas que saen en clase e que eu propoño como traballos posibles ou outros que se traten e vos parezan a vos interesantes para suxerir un posible traballo ós vosos compañeiros.
. Podedes transformar ideas en traballos a través das cuboadiviñas (fanse na páxina picture trail), propostas arredor de películas (atoparedes trailers en youtube), propostas relacionadas con novelas , ou con música (ver as páxinas de GoEar ou Snip)
. O MAIS DESEXABLE, que sexades vos quen propoña traballos coas vosas ideas tanto canto ó contido como canto á forma.
 Na sección “actualidade da aula” inclúese o día a día dos cursos…
. Convocatorias e avisos xerais para a clase.
. Exames e probas ( convocatoria, as preguntas e os resultado, evidentemente isto último volo paso eu)
. A vosa propia crónica do que pasa na clase (sucesos, anécdotas, etc…)
 “Cahier de doleances” Para que poidades expoñe-las queixas:
. Sobre cousas que pasan na clase ou no Instituto
. Sobre cousas de Betanzos ou as nosas localidades.
. Sobre o mundo mundial e seus problemas.
 Na sección “3illo paraes3a2” trátase de presentar propostas relaxantes, divertidas, lonxe do traballo estricto da asignatura.
. Curiosidades sacadas de internet (youtube, tamtam…)
. Propostas de música, cine, lectura…
. Bromas, cousas divertidas, curiosas… aínda que non teñan que ver coa asignatura.
 Vedes que ás veces puxenrepertorios de imaxes no lateral da páxina principal . Se o grupo quere poderíase realizar algun tipo de reportaxe fotográfico do instituto e colgalo nese lugar ( pintadas, grafittis, mesas, personaxes, situacións…) hay que traballar ara isto co flick.

NOTA. Dos recursos para facer todas estas presentacións dispoñemos dunha conta para o noso blog que será proporcionada ós/as administradores xunto coas indicacións precisas para empregalos ( non é complicado, ¡seino facer eu!)

HACE UN TRABALLO SOBRE O MITO A FRONTEIRA?

2007-03-23T19:15:00.000Z

Ista é unha proposta para os que gosten do cine. Trátase se ver a película "Bailando con lobos" para facer con ela unha pequena reflexión sobre a papel e o mito da fronteira na historia americana. Se alguén se interesa falamos.

Cuboadiviña con enlaces á rede (xa van 7)

2007-02-13T06:47:00.000Z

De quen fala. Cal é a súa proposta ideolóxica?

Cool Slideshows

Nova cuboadiviñanza ( e van 6)

2007-02-05T06:30:00.000Z

Neste caso vos propoño averigua-la proposta de sociedade utópica que se fai aquí, cal son as características, o paisano que a fai... e con todo iso elaborar algún pequeno traballo.

Cool Slideshows

OUTRA DAS KTRO PZAS DO PUZZLE

2007-01-25T23:13:00.000Z

Seica a visión occidental da natureza e as súas relacións cos seres humanos,herdada do liberalismo, é a única posible, a única que existíu.

¿Non será que estamos a facer o indio? XD. Ollade este enlace onde poderedes ler a un indio de verdade. ¿que vos suxire? Texto libre nos comentarios a este post.

Por certo, a peli' "Bailando con lobos", algo ten que ver con isto. Vola recomendo

KTRO PZAS PARA UN PUZZLE

2007-01-25T22:17:00.000Z

Hola, holaaaaaaaa...........

Chegastes a este punto a un click dunha imaxe da terra na que fala da canción da terra.

A misión consistirá en localizar o video ou a letra desa canción e respostar nun comentario a este post dúas cuestións:

. cita tres problemas que se traten na canción.

. escribe a frase que máis veces se repite na canción.

(suxerencias: en you tube podedes atopar unha versión subtitulada, tamén hai páxinas en internet cn letras, vos saberedes)

¡ A disfrutar con Miguel Jacson !

GOYA E A CRÍTICA DA SOCIEDADE DO ANTIGO RÉXIME

2007-01-23T17:24:00.000Z

UNHA NOVA PROPOSTA DE TRABALLO

Cool Slideshows

Consultas que podedes facer en internet.
http://goya.unizar.es/infogoya/Vida/Ideologia.html
http://goya.unizar.es/InfoGoya/Obra/TemasSoc.html
http://www.bne.es/productos/Goya/es_home_disparates.html
http://www.godot.323.com.ar/articulos/art05/mariana.html
http://www.racve.es/actividades/historia-veterinaria/1999-11-03JulioPonceVazquez.htm
http://www.vallenajerilla.com/berceo/florilegio/inquisicion/goyacaprichos.htm

CUBOADIVIÑA5

2007-01-12T15:44:00.000Z

¿CAL É O NOME DA PERSONAXE Ó QUE SE REFIRE ESTA CUBOADIVIÑA?
Podedes respostar co nome e unha explicación sobre o mesmo, significacións...

Cool Slideshows

CUBOADIVIÑA 4

2007-01-10T06:19:00.000Z

DESTA VEZ TRÁTASE DE AVERIGUAR O FEITO HISTÓRICO Ó QUE SE REFIRE A CUBOADIVIÑA

Cool Slideshows

Un resumenciño da revolución francesa en diapositivas

2007-01-04T09:01:00.000Z

2006-12-22T19:44:00.000Z

o calendario revolucionario

2006-12-22T08:53:00.000Z

Novos tempos, novos símbolos, novos sistemas de referencia temporal. O traballo sobre o calendario revolucionario na rev francesa informa ben sobre o que estaba a pasar. Por se alguén se anima a traballar sobre isto:
http://www.elalmanaque.com/Calendarios/cal-republicano.htm
http://www.rgle.org.uk/CALENDARIOS.htm

UNHA PROPOSTA SOBRE SÍMBOLOS

2006-12-21T06:39:00.000Z

Atoparedes no 3illo unha proposta para traballar sobre símbolos na revolución francesa. Neste caso relacionado co xadrez-

¡¡¡¡¡¡¡¡¡¡¡¡¡¡¡MOI DOADA ESTA PROPOSTA!!!!!!!!!!!!!!!

2006-12-12T19:15:00.000Z

O que propoño ós curiosos/as é traballar sobre o simbolismo dunha imaxe. Nesta caso a imaxe clasica da declaracións francesa dos dereitos do home e do cidadán de 1789.

Trataríase o traballo de preparar un "pogüerpoint" ou similar coa explicación dos simbolismos que hai na imaxe. Ideal para logo contar na clase ó resto dos compañeiros/as.

Máis fácil aínda, vos inclúo un link para traballar isto de entrada (pero o desexable e que naveguedes por outras informacións):

http://www.ac-versailles.fr/etabliss/Toussaint/vschoel/civisme/droitnat/droinat.htm

(De paso practicades o francés)

PUZZLE SOBRE AS CAUSAS DA REVOLUCIÓN "FRANSUÁ"

2006-11-28T22:58:00.000Z

Trátase de ordnar as casiñas en torno a catro grandes causas da revolución á vez artelladas en torno a causas máis remotas (estructurais) e próximas (coiunturais)

DAS CONSTITUCIÓNS, ¡¡¡A PEPA!!!

2006-11-21T05:55:00.000Z

O LIBERALISMO. Principios e institucións políticas.

O texto que presentamos se pode empregar para desenvolver un tema co título que encabeza esta folla
(voluntario para quen queira ou poda) . Outro traballo máis simple (realmente previo ó anterior ) será detectar nos artigos dista Constitución ( a primeira que tivo España) os principios e institucións políticas típicas da ideoloxía liberal ( que atoparedes relacionadas entre as páxinas 53 e 57 do libro de texto)

Constitución española de 1812, la “Pepa”.

DON FERNANDO VII, por la gracia de Dios y La Constitución de la Monarquía española, rey de las Españas …, a todos los que la presente vieren y entendieren SABED. Que las mismas Cortes han decretado y sancionado la siguiente Constitución política de la Monarquía española.

Art.2 La Nación española es libre e independiente, y no es ni puede ser patrimonio de ninguna familia ni persona.
Art.3 La soberanía reside esencialmente en la nación, y , por lo mismo, pertenece a ésta exclusivamente el derecho de establecer sus leyes fundamentales.
Art.4 La Nación está obligada a conservar y proteger por leyes sabias y justas la libertad civil, la propiedad y los demás derechos legítimos de todos los individuos que la componen.
Art. 13. El objeto del gobierno es la felicidad de la Nación, puesto que el fin de toda sociedad política no es otro que el bienestar de los individuos que la componen.
Art. 14 El Gobierno de la nación española es una Monarquía moderada hereditaria.
Art.15 La potestad de hacer las leyes reside en las Cortes con el rey.
Art. 16 La potestad de hacer ejecutar las leyes reside en el rey
Art. 17. La potestad de aplicar las leyes en las causas civiles y criminales reside en los tribunales establecidos por la ley
Art. 27. Las Cortes son la reunión de todos los diputados que representan a la Nación, nombrados por los ciudadanos.
Art. 34 Para la elección de los diputados de Cortes se celebrarán juntas electorales de parroquia, de partido y de provincia.
Art. 45 Para ser nombrado elector parroquial se requiere ser ciudadano, mayor de veinticinco años, vecino y residente en la parroquia.
Art. 91 Para ser diputado se requiere ser ciudadano.
Art. 92 Se requiere además para ser elegido Diputado a Cortes, tener una renta anual proporcionada, procedente de bienes propios
Art. 248. En los negocios comunes, civiles y criminales, no habrá más que un solo fuero (ley) para toda clase de personas.
Art.339 Las contribuciones se repartirán entre todos los españoles con proporción a sus facultades, sin excepción ni privilegio alguno.
Art. 371 Todos los españoles tienen la libertad de escribir, imprimir y publicar sus ideas políticas sin necesidad de licencia.

PRINCIPIOS E INSTITUCIÓNS POLÍTICAS DO LIBERALISMO.

PRINCIPIOS POLÍTICOS
• Recoñecemento de dereitos e libertades individuais ( naturais e civís)
• Igualdade xurídica
• Soberanía nacional e soberaná popular
• Representación política e derretí de voto
• Sufraxio censitario ou “universal”
• Separación de poderes

INSTITUCIÓNS POLÍTICAS

• Estado liberal de dereito
• Existencia de Parlamentos ou Cámaras representativas (unicameralismo ou bicameralismo)
• Existencia de Constitucións escritas
• Recoñecemento expreso das liberdades en declaracións de dereitos
• Formación de Estados-Nación.

a. Canto á forma:
• Monarquía Constitucional
• Monarquía parlamentaria
• República presidencialista
• República parlamentaria

b. Canto a organización territorial
• Estado unitario centralista
• Estado unitario descentralizado
• Estado federal

proposta de exame para o 1º parcial.

2006-11-16T07:40:00.000Z

PROPOSTA DE EXAMEN Iº PARCIAL Iª AVALIACIÓN.
HISTORIA CONTEMPORÁNEA

1. Desenvolve un tema co título que ven de seguido empregando os textos (mediante citas textuais) para xustificar as ideas que vais expoñendo no tema (lembra a importancia de ordena-lo tema cumnha introducción o desenvolvemento ben artellado e unha conclusión).
TRAZOS BÁSICOS DO SISTEMA ECONÓMICO CAPITALISTA.

“Cada individuo en particular pon todo o seu cuidado en buscar o medio máis oportuno de empregar coa maior vantaxe o capital de que poida dispor. O que desde logo se propón é o seu propio interese, non o da sociedade en común … Pero neste e noutros moitos casos unha man invisible condúceo a promover un fin que nunca tivo na súa intención(…); porque seguindo seu particular interese ás veces promove o da sociedade con máis eficacia que cando se pensa directamente en fomentalo.” (A. Smith, 1776)

“O economista Bastiat, creu distinguir no mundo económico unha harmonía preestabrecida, polo que seu á súa principal obrta un título característico “As harmonías económicas”. Non é só a mecánica celeste, senón tamén a mecanica social a que revela a sabiduría de Deus…” (M. Artola, 1984)

“ O traballo , como todas as demais cousas que se mercan e se venden, e que poden ser aumentadas ou diminuídas, ten o seu prezo natural e o seu prezo de mercado.” (D.Ricardo, 1817)
“…o simple e doado sistema la liberdade natural. Todo home, na medida en que non ofenda as leis da xustiza, está en plena liberdade para segui-lo camiño que lle presente seu interés e de levar súa industria e seu capital onde lle pete, en competencia coas de todo outme ou clase de homes. O Estado está enteiramente exento dista carga” (A. Smith, 1776)

“O pensamento da Ilustración concibe ó home como unha criatrura cuia natureza pula na percura da felicidade…Enténdese a felicidade como aquel estado no que o home ve satisfeitas súas necesidades. A propiedade individual dos bens capaces de satisfacer esas necesidades, enténdese como a garantía, ou mesmo a manifestación externa da felicidade. A identificación que se produce entre medios e fin, entre propiedade e felicidade, servíu para lexitimar a propiedade individual”

2. CUESTIÓNS BREVES:
2.1 Explica e xustifica as razóns que fixeron necesaria a introducción dos bancos e sociedades por accións nas actividades industriais a finais do século XIX.

2.2 Xustifica a importancia da revolución agraria para a revolución industrial e compara os casos español e británico.

2.3 Explica en qué consistíu o cambio de réxime demográfico ó longo do século XIX e como influíu na economía contemporánea.

3. DEFINICIÓN E CONTEXTUALIZACIÓN CRONOLÓXICO TEMPORAL.
Une as casiñas da táboa para facer cinco frases ás que só deberás engadir unha contextualización temporal, e ,se cadra, espacial con algún exemplo.
1Sector punteiro
2Ámbito dentro da producción industrial
3Que inclúe a concentración de medios de producción, a mecanización e a división tecnica do traballo
1Capitalismo financieiro
2Xeito de organiza-la produccción industrial
3Que se refire á xeracíon polo sistema de diferencias sociais e/ou territoriais
1Factory system
2Fase da evolución do sistema económico
3Que inicia os cambios propios da industrialización
1Desenvolvemento desigual
2Forma de organización do traballo nas industrias
3Que se basea na especialización de tarefas, e fabricación en cadea de productos estándar.
1Taylorismo
2Característica consecuencia do modelo económico capitalista
3Que se caracteriza pola unión de intereses industriais e bancarios

(NOTA. nesta última pregunta o examen o teño posto nunha táboa con tres columnas que corresponden ós números que vos indico. No sei como facer esa táboa e o teño que poñer así. Disculpas polo meu analfabetismo informático-bloggero)

CUBOADIVIÑA.3

2006-11-01T05:41:00.000Z

Nesta ocasión vos pregunto por unha personaxe de ficción pero que tivo moita influencia no pensamento da Ilustración. ¡Seguro que o coñecedes!

Sorte. E lembrade, as respostas argumentadas no propio cadernodhistoriacontemporánea, e puntuables ata 8 puntos dos traballos voluntarios.

Cool Slideshows

UNHA NOVA ADIVIÑA... DESTA VEZ NON CÚBICA

2006-10-24T22:07:00.000Z

Última entrega:
O que vos propoño agora é descobrir qué é a árbore xenealóxica que vos presento, a quen pertence e donde a podedes atopar.
Esta proposta tamén a farei na clase pinchando no taboleiro a árbore.
Máis ou menos cada dous días irei colgando novas edicións da árbore máis completas ata que alguén descubra os enigmas: a quen pertence e onde se atopa.
Agardo que sexa pronto.

A PALABRA INCÓGNITA

2006-10-22T18:11:00.000Z

Atopa esta palabra escondida:

Anagrama de : "y solo timar"

Rima con: "él mismo"

Sinónimo de : "scientific management"

Unha nova cuboadiviñanza.

2006-10-17T16:18:00.000Z

COMO DA OUTRA VEZ...: 8 PUNTOS DO APARTADO DE TRABALLOS VOLUNTARIOS PARA AS PRIMEIRAS PERSOAS QUE DEAN COA PERSONAXE Ó QUE SE REFIRE O CUBO E O XUSTIFIQUEN EXPLICANDO CADA CARA DO CUBO. Por certo, facédeo no propio caderno dixital para que todo o mundo poida participar do descubremento.

Cool Slideshows

TESTRES. Precondicións da Rev Industrial

2006-10-16T04:53:00.000Z

1. Gracias á revolución agraria a revolución industrial puido dispoñer de…
a. Man de obra, capitais, mercados e alimentos para a población urbana.
b. Mercancías para comerciar no mercado internacional gracias ás melloras nos transportes.
c. Unha industria rural que xeneraba aforro e inversión.

2. A importancia das transformacións nos transportes que se deron antes da Revolución Industrial radica en…
a. Que permitiron unha nova organización do mercado interior no que se relacionaban dun xeito máis rentable os seus elementos.
b. Que permitíu un transporte do comercio internacional coas colonias que antes (SXVI-XVIII) non fora posible.
c. Que permitíu os campesiños completar os seus ingresos con labores relacionadas co transporte das súas produccións.

3.A acumulación de capitais que foron investidos durante a Revolución Industrial inglesa veu principalmente:
a. Dos beneficios derivados do aumento demográfico.
b. Dos beneficios que xeneraba a revolución agraria e o aumento demográfico.
c. Dos beneficios extraídos das melloras na agricultura e do comercio internacional coas colonias.

TESTRES. Concepto de revolución industrial

2006-10-13T05:02:00.000Z

1. O que coñecemos como “factory system” é...
a. Unha forma de emprega-las máquinas para a producción industrial secuenciando o traballo no que se coñece como división social do traballo.
b. Un xeito de aplica-los beneficios da revolución agrícola á industrialización aportando á industria: man de obra, mercados e capitais para investir.
c. Unha maneira de organiza.la actividade das industrias que inclúe a concentraciónde capital e traballo, a división técnica do mesmo e o emprego de maquinas

2. Chamamos pre-condicións da revolución industrial a ....
a. Actividades ou situacións que colaboraron en prepara-lo terreo para que se dera o proceso revolucionario no sector secundario.
b. As características propias do sector secundario que definen a revolución industrial fronte a outras formas de organiza-la actividade industrial (gremios,manufacturas…)
c. Ós tres aspectos que definen a revolución industrial: modificacións técnicas, da organización industrial e da estructura da propiedade industrial.

3. A consecuencia do proceso revolucionario na industria a economía en conxunto….
a. Pasou a ser más dependente da agricultura pero agora organizada segundo un modelo capitalista (como ocorreu en U.K cos “enclosures”)
b. Pasou a organizarse segundo o modelo das clases sociais, co predominio da burguesía e a aparición do proletariado.
c. Pasou a un crecemento contínuo e acelerado cada vez máis interconectado xeográficamente e ao protagonismo económico do sector secundario.